Россиянинг Ярославль шаҳрида яшин урган троллейбуснинг ҳайдовчиси — 25 ёшли Анна исмли қиз ёнғин олдини олишга муваффақ бўлди ва 15 йўловчига салондан чиқиб кетишда ёрдам берди, деб ёзади «Вести.ru».
Воқеа 15 июль куни юз берган, аммо ҳодиса тафсилотлари энди маълум бўлди. Ярославль мэрияси хабарига кўра, яшин контакт тармоғига келиб урган, кучланиш кескин ўзгариб, ҳайдовчи кабинаси ёниб кетган.
«Кабинада тутун пайдо бўлди. Оёғим билан тормоз педалини босдим. Эшикни очадиган тугмаларни эса фақат қўлим билан пайпаслаб топа олдим. Троллейбусни ўчирдим. Салонда ўт ўчиргични олишди. Шундан кейингина оёғимга нимадир бўлганини пайқадим», — деди ўша куни троллейбусни бошқарган Анна.
Натижада қизнинг оёғи қаттиқ куйди, ҳозирда у касаллик туфайли ишдан таътил олган. Йўловчилар орасида ҳеч кимга шикаст етмади.
Изоҳ (0)