O‘zbekistonning Buyuk Britaniyadagi elchixonasi an’anaviy Yozgi qabul marosimini o‘tkazdi, uning mavzusi “O‘zbekistonning yetti mo‘jizasi” bo‘ldi.
Tadbirda 200 ga yaqin faxrli mehmonlar — parlamentariylar, britaniyalik diplomatlar, vazirlik, idora va sayyohlik tashkilotlari vakillari, madaniyat va san’at arboblari, yetakchi OAV va nashriyotlar vakillari qatnashdi.
Pazandalik shousi doirasida taniqli o‘zbek oshpazi Bahriddin Chustiy yetti xil taom tayyorladi. Mehmonlar osh, do‘lma, manti, kabob, bedana kabob, tuxum do‘lma va bulg‘ori do‘lma, somsa va boshqa taomlarni tatib ko‘rishga muvaffaq bo‘ldi.
Tadbirning asosiy voqeasi Welcome to Uzbekistan seriyasidagi “Quyoshning 365 kuni” kitobi taqdimoti bo‘ldi. Dinara&Co nashriyot uyi tomonidan “O‘zbekneftgaz” AJ ko‘magida chop etilgan kitob o‘zbek milliy taomlariga yangicha nigoh tashlab, mamlakatdagi retseptlar, hayot tarzi, mehmondo‘stlik an’analari va manzaralari joylar haqida hikoya qiladi.
Yarim yil davomida ijodiy guruh, shu jumladan, retseptlar va hikoyalar muallifi Bahriddin Chustiy va mashhur suratchi Andrey Arakelyan mamlakatning barcha hududlarida bo‘lib, noodatiy taomlar, joylar va qiziqarli odamlarni qidirdi.
Izoh (0)