Туркия шимоли-ғарбидаги Текирдағ вилояти полицияси мухолифатчи диний уламо Фатхуллоҳ Гуленнинг FETO ташкилотига алоқадорликда гумон қилинган 115 кишини ҳибсга олди. Бу ҳақда «Газета.ru» хабар бермоқда.
Хабар беришларича, гумон остида қўлга олинганлар орасида тадбиркорлар, уй бекалари ва полициячилар бор. Улар мамлакатда бир йил аввал юз берган давлат тўнтаришига уриниш қатнашчилари ишлатган ByLock мессенжеридан фойдаланганликда айбланмоқда.
Тахминларга кўра, ByLock дастури давлат тўнтаришига уриниш юз бергунига қадар турк махсус хизматлари томонидан бузиб кирилган, шу сабабли ҳам тўнтаришга уриниш қатнашчилари кейинчалик WhatsApp мессенжеридан фойдаланишга ўтган.
Туркия ҳукумати маълумотларига кўра, 2016 йил июлида юз берган давлат тўнтаришига уриниш мамлакатда террорчилик гуруҳи деб тан олинган Fethullahist (FETO) ташкилоти томонидан ташкил этилган.
Аввалроқ Туркия президенти Ражаб Тоййиб Эрдўғон мамлакат душманларининг «бошларини узиб олишга» ваъда берган эди.
Изоҳ (0)