Президент Шавкат Мирзиёев қарорига асосан, Сергели туманида имтиёзли кредит эвазига олиш мумкин бўлган янги 7 қаватли уйларнинг қурилиши давом этмоқда. «Darakchi.uz» қурилиш ишлари кетаётган жойдан суратлар тўплаб тақдим этди.
Республика бўйлаб 500 кўп қавватли уйларни барпо этиш, шулардан 191 таси бу йил топшириш режага киритилган. Тошкентда 66 уйни шу йилнинг сентябрида фойдаланишга топшириш режалаштирилган. Уйлар энг аввало яшаш шароитини яхшилашга муҳтож бўлган фуқароларга берилади. Уйларни олишга расмий иш жойи бўлмаган, СТИР бўлмаган, шунингдек, фуқаролиги бўлмаган, нафақахўр ҳамда Тошкентда рўйхатдан ўтмаган фуқароларга берилмайди.
Бундай уйларни олишни истаган фуқаролар яшаш жойи бўйича туман ҳокимиятида ташкил қилинган комиссияга мурожаат қилишлари лозим.
Бирдан тўрт хонагача бўлган уйларнинг барчаси тайёр ҳолда, таъмирлаш ишлари, жиҳозлар, маиший техника ва тайёр сантехника билан топширилади.
Ювиниш хоналари кафеллар билан жиҳозланган.
Янги уйларнинг ҳар бирининг алоҳида иссиқлик таъминоти мавжуд.
Подездларга домофон ва лифтлар ўрнатилиши кўзда тутилган.
Изоҳ (0)