ProCab Ўзбекистон—Буюк Британия қўшма корхонаси 2012 йили ташкил топган бўлиб, кабел ва симларни замонавий ускуналарда ишлаб чиқаради. Биз завод қандай ишлашини кўриб чиқдик.
Завод Сергели туманида жойлашган. Шуни айтиш керакки, завод майдони билан ҳайратда қолдиради — у 14 гектар ерда жойлашган.
Кабел ишлаб чиқаришини тўрт босқичга бўлиш мумкин: хом ашёни эритиш босқичи, сим тайёрлаш босқичи, экструдер бўлими ва қадоқлаш бўлими.
Завод ичида ҳар хил ускуналар ишламоқда, шулар қаторида Германия, Финляндия, Япония ва Туркиянинг етакчи корхона ускуналари ўрнатилган. Хом ашёни эритиш босқичида мис катодлари эриш печларига келиб тушгач, бу ерда кислородсиз муҳит ва юқори ҳароратда уларнинг эриш ҳодисаси кузатилади. Кристаллизатордан чиққач, кейинги қайта ишлаш жараёнида қўллаш учун керакли диаметрдаги мис симлари олинади.
Тайёр ингичка сим чўзиш бўлимига юборилади. Белгиланган диаметрдаги симларни олиш — ишлаб чиқариш жараёнидаги муҳим босқичлардан биридир. Бунинг учун маҳсулот NIEHOFF (Германия) компанияси ускуналари ёрдамида диаметри чўзилади.
Кейинги босқичда мис ва алюминий симлар экструдер бўлимига келиб тушади.Бу ерда экструзия усули орқали ПВХ пластикати ёки полиэтилен билан қоплаш жараёни амалга оширилади. Қопламаси бор симлар ўзакка айлантириб чиқилади. Бу жараён махсус айлантириш ускуналарида амалга оширилади. Шундан сўнг кабеллар ғалтакларга ўралиб, қадоқланади ва омборга юборилади.
Ишлаб чиқариш жараёнида маҳсулот намуналари лабараторияга келиб тушади. У ерда кабеллар стандарт ва ГОСТга тўғри келиши текширилади. Лабаратория ташкилий тузилма бўйича ишлаб чиқаришдан мустақил бўлиб, маҳсулот сифати бўйича савол пайдо бўлса бутун ишлаб чиқаришни тўхтатиб қўйиш ҳуқуқига эга. Умуман олганда, лабаратория назоратни ҳар бир ишлаб чиқариш босқичида амалга оширади.
ProCab кабел ва симлари ISO 9000/9001/9003/19011:2000 сифат сертификатларига эга, ҳамда маҳсулотлар Ўзбекистон, Россия, Туркия стандартларга мос келади. Шу билан бирга, 2016 йил декабрда ProCab мега-заводи Apple корпорациясининг расмий ишлаб чиқарувчилари рўйхатига киритилган.
Завод катта майдонни эгалагани учун кенг турдаги кабел маҳсулотларини ишлаб чиқара олади. Ҳозирги пайтда мингдан ортиқ кабел ва симлар ассортименти мавжуд. Шу жумладан, маиший, назорат, олов бардош, тикилган полиэтилен изоляцияли кучланиш кабеллари, видео кузатиш кабеллари, СИП симлари ва бошқалар чиқарилади.
ProCab мамлакатимизнинг етакчи корхоналари билан иш олиб боради, шулар қаторидан Artel, НТМК, Enter Engineering, UMS, Трест 12, GoldenHouse, Next, Нобель ва бошқалар.
ProCab заводи ривожланиб келмоқда ва ўз олдига катта мақсадлар қўймоқда. Режада маҳсулот турларини янада кўпайтириш ва халқаро бозорда сотиш ҳажмини юқорироқ поғонага чиқариш, ҳамда янги харидорлар ишончини қозониш ва мавжуд мижозларни қўллаб қувватлашдир.
ProCab каталогини корхона сайтидан кўришингиз мумкин www.procab.uz.
Реклама ҳуқуқи асосида!
Изоҳ (0)