Наманган шаҳрида яшовчи Илҳом Умаралиев (исм-шарифлар шартли) ички ишлар идораларига хонадонида рўй берган талончилик юзасидан мурожаат қилди. Бу ҳақда «Дарё»га Наманган вилоят ИИБ матбуот хизмати хабар бермоқда.
9 июль, соат 02:30 ларда Умаралиевнинг хонадонига юзига ниқоб таққан номаълум шахслар бостириб киради. Шовқиндан уйғониб кетган уй бекаси ва ўғлини металл даста билан юз ва бош қисмига уриб, жароҳат етказади. Шундан сўнг умумий нархи 1,8 миллион сўмлик балдоқ ва уч дона узукни олиб, воқеа жойидан яширинади.
Наманган шаҳар ИИБ ЖҚБ тезкор вакиллари томонидан олиб борилган тезкор-қидирув ва суриштирув ҳаракатлари натижасида ушбу жиноятни Наманган туманида яшовчи, 1994 йилда туғилган Азим Қурбонов, Наманган шаҳрида яшовчи, 1989 йилда туғилган Қудрат Нуриев ва Наманган шаҳрида яшовчи, 1995 йилда туғилган Музаффар Абдураҳимов содир этганликлари аниқланди.
Ушбу ҳолат бўйича Наманган шаҳар ИИБ TB томонидан ЖКнинг 164-моддаси 3-қисми билан жиноят иши қўзғатилди.
Изоҳ (0)