Американинг Оклахома штатида истиқомат қилувчи эркак ўзини полиция ходимлари қўлга олгач севган қизига турмуш қуриш таклифини берди, деб хабар берди UPI.
Нашрнинг маълумотларига кўра, Брендон Томсон АҚШ мустақиллиги кунини ҳамда оиласи ва севгилиси даврасида туғилган кунини нишонлаётган бўлган. Полиция ходимлари эркакнинг уйига келиб уни олтита ноқонуний хатти-ҳаракатда гумонлаб ҳибсга олган. Америкалик йигитга айнан қандай айбловлар қўйилгани айтилмади.
Томсоннинг қўлига кишан тақишгач, у онасидан рухсат сўраган ва бир оёқда тиз чўккан. Уни қўлга олган полиция ходимлари Томсон севгилиси Кейтнинг қўлига узук тақиши учун қўлларини бўшатиб турган.
Изоҳ (0)