Исроил мудофаа армияси ҳарбийлар томонидан ускуналар, аслаҳа-анжомлар ва озиқ-овқатларни ташишда фойдаланиладиган ламаларни роботлар билан алмаштиради.
Meduza’нинг ёзишича, ҳарбийлар ламалардан уларнинг секин ҳаракати қилиши сабаб воз кечмоқда — жониворлар аскарларнинг тезкор ҳаракат қилишига халал бермоқда.
Масофадан туриб бошқариладиган роботлар эса 500 килограммгача бўлган юкни таший олади, тезлиги соатига 10 километрга етади ва бир марта тўлиқ қувватлантирилганидан сўнг, 8 соат ишлайди.
Ламаларнинг ўрнини эгаллайдиган роботлар сентябрдан армияга татбиқ этилиши кўзда тутилган.
Исроил армияси 2000 йиллар бошидан бери аслаҳа-анжомларни ташишда ламалардан фойдаланиб келаётган эди. Ламалар баланд товушлардан қўрқмайди, янги шароитга тезда мослашади ва тоғли ҳудудларда енгил ҳаракатланади.
Ламаларга қадар эса Исроил армияси туялар, эшаклар ва хачирлардан фойдаланган.
Изоҳ (0)