Россия пойтахтида янги, ҳисоб бўйича еттинчи масжид очилгани ҳақидаги маълумот ҳақиқатга тўғри келмайди. Бу ҳақда Москва муфтийси Ильдар Алоуддинов маълум қилди, дея хабар беради «Газета.ru».
«Интерфакс» агентлигига кўра, бино Янги Москвада, метронинг «Бунин хиёбони» бекати яқинида жойлашган, мингга яқин кишини сиғдиради ва «ҳозирча минорага эга эмас».
«Бу ерни масжид деб аташ унчалик мақбул эмас. Фаолияти биринчи галда мусулмонларга йўналтирилган навбатдаги маданий-маърифий марказ десак, тўғрироқ бўлади. Бино диндорлар иштирокида қурилди, хусусий мулк ҳисобланади ва қавм томонидан ижарага олинади», — деди Москва муфтийси.
Изоҳ (0)