Россия президенти маъмурияти федерал марказ ва Татаристон расмийлари ўртасидаги ваколатларни чегаралаш бўйича шартномани узайтириш ниятида эмас. Янги шартнома тузиш имконияти ҳам кўриб чиқилмаяпти. Бу ҳақда Кремлга яқин манбаларга таяниб, «РБК» маълум қилди, дея хабар беради «MK.ru».
Татаристон расмийлари шартнома у ёки бу тарзда сақланиб қолишини истаган эди, бироқ Москванинг мазкур масаладаги қатъий муносабатини билиб, ҳеч йўқ қандайдир имтиёзларни қўлга киритишга эътиборини қаратган.
Икки томон шартнома бўйича музокаралар олиб бораётгани ва унинг узайтирилиши рад этилиши ўрнини тўлдиришни муҳокама қилаётганини Қозондаги манба ҳам тасдиқлади.
Россия ва Татаристон ўртасидаги ваколатларни чегаралаш бўйича шартнома 1994 йилда имзоланган эди. 2007 йилда 10 йилга узайтирилди, бироқ янгиланган ҳужжатда Татаристон расмийлари тасарруфидаги кўплаб ваколатлар олиб ташланганди.
Изоҳ (0)