АҚШ ракетага қарши мудофаа агентлиги (Missile Defense Agency, MDA) THAAD ҳарбий ҳаракатлар театри ракеталарга қарши мудофаа тизимини муваффақиятли синовдан ўтказди. Бу ҳақдаги хабар агентликнинг сайтида чоп этилди.
Айтилишича, Алясканинг жанубий соҳилбўйидаги Кадьяк оролида жойлашган комплекс Гавайи оролларидан шимолроқда C-17 Globemaster ҳарбий-транспорт самолётидан учирилган баллистик нишонни йўқ қилди.
FTT-18 (Flight Test THAAD-18) индексига эга синовлар Кадьяк космодроми инфратузилмасидан фойдаланган ҳолда АҚШ армияси зенит артиллерияси 11-бригадаси расчёти томонидан ўтказилди (Форт-Блисс, Техас штати).
Агентлик мутахассислари, космодром персонали ва армия расчётидан ташқари, синовларда АҚШ ҳарбий-ҳаво кучлари, ракетага қарши мудофаа кучлари бирлашган қўмондонлиги, Миллий гвардия бўлинмалари ва қисмлари, мудофаа вазирлиги экспертлари иштирок этди.
Изоҳ (0)