Ўзбекистон Президенти Шавкат Мирзиёев «Қишлоқ хўжалиги машинасозлиги соҳасида илмий-техник базани янада ривожлантириш чора-табирлари тўғрисида» қарор қабул қилди. Бу ҳақда UzDaily хабар бермоқда.
Мазкур қарорга мувофиқ, мамлакатда қишлоқ хўжалиги машинасозлигини ривожлантириш бўйича ўзбек—корейс маркази ташкил этилади.
Марказ соҳада илмий-техник салоҳиятни ривожлантириш, қишлоқ хўжалиги техникасининг янги турларини ўзлаштиришда якдил илмий-техник ва инвестиция сиёсатини юритиш мақсадида ташкил этилмоқда.
Марказ қишлоқ хўжалик техникасининг амалий масалалари бўйича илмий тадқиқотлар ва инновация ишланмаларини олиб боради, энергия тежовчи замонавий қишлоқ хўжалиги техникасининг янги турларини ишлаб чиқади.
Давлат раҳбари қарорига мувофиқ, марказ 2020 йил 1 январгача айрим солиқ турларини тўлашдан озод этилди.
Изоҳ (0)