Индонезия президенти Жоко Видодо Туркия ва Германияга расмий ташрифлари давомида унга ҳамроҳлик қилган оиласининг харажатларини ўзи тўлайди. Бу ҳақда давлат раҳбари матбуот хизмати раҳбари Бэй Маҳмудин маълум қилди, дея хабар беради «ТАСС».
«Президент унга ҳамроҳлик қилган оила аъзоларининг учиш, истиқомат ҳақи ва бошқа харажатларни тақдим этишга кўрсатма берди. Бу харажатларни у шахсан тўлаб бериш ниятида», — деди матбуот котиби.
Олдинроқ Индонезия бюджет шаффофлиги форуми бош котиби ўринбосари Апун Видади ҳукуматдан президентнинг Туркияга ва Германиядаги G20 саммитига оилавий ташрифларини изоҳлаб беришни талаб қилганди.
Мавжуд тартиб-қоидаларга кўра, давлат раҳбари бюджет ҳисобидан фақат рафиқаси билан сафар қилиши мумкин. Бироқ Видодо юқоридаги икки давлатга уч фарзанди, келини ва набирасини ҳам олиб кетганди.
Изоҳ (0)