Қозоғистоннинг Жамбул туманида Нурабиназ исмли қизалоқ яшайди. Унинг исми Қозоғистон президенти Нурсултон Абишевич Назарбоевнинг шарафига қўйилган, деб хабар берди «Казинформ».
Нурабиназнинг Отаси Асилбек мамлакат раҳбарини жуда ҳурмат қилади. 2003 йилда қиз фарзандли бўлганида Нурсултон Абишевич Назарбоевнинг исм-шарифидан унга исм ясаб қўйган. Энг муҳими бу исм қозоқларда аввал бўлмаган, исм Нурабиназнинг ўзига ёқади.
«Қизимга унинг исми ёқади. Унинг айтишича, исмини айтганида ҳамма унга эътибор бераркан. Ҳар йили 6 июль куни маҳаллий журналистлар ундан интервью олади, турли тадбирларга таклиф қилади. Балки, шунинг учун Нурабиназни кўчада нотаниш одамлар таниб қолиб, сўрашишади. Албатта, қизим унинг исми ўзига катта масъулият юклашини тушунади», — дейди қизнинг онаси Мунира.
Нурабиназнинг опаси ҳамда кичик укаси ҳам бор. Отасининг истагига кўра, Имангали Тасмагамбетовнинг шарафига катта қизига Нуршапағат, ўғлига эса Нуриман исмлари қўйилган.
«Нурабиназ болалигида жуда кўп касал бўларди, 12 ёшида ҳатто юра олмай қолганди. Мулла унга учта исм оғирлик қилмоқда, исмини ўзгартиринглар деган. Шундан бери қизимизни Абиш деб чақирамиз, ҳужжатларда эса Нурабиназлигича қолган. Ҳозирда унинг соғлиги жойида», — дейди Мунира.
«Мен саккизинчи синфни тугатдим. Бўш вақтимда рақс, бадиий адабиёт ва санъат ҳамда ҳунармандчилик билан шуғулланаман. Мактабда ўтиладиган фанлардан кимё ёқади. Катта бўлганимда фармасевт бўлмоқчиман ва Назарбоев университетига ўқишга киришни орзу қиламан», — дейди Нурабиназ.
Изоҳ (0)