Дунёнинг энг инновацион компаниялари рейтингида биринчиликни NVIDIA қўлга киритди

Дунёнинг энг инновацион компаниялари рейтинги MIT Technology Review’ни илк бор биринчиликни график тезлаштиргич, процессор ҳамда чипсет ишлаб чиқарувчи Американинг NVIDIA компанияси эгаллади, деб хабар берди «Коммерсантъ».

NVIDIA рейтингдан 2015 йилдан бери жой олиб келади, жорий йилда эса у бирданига 11 поғона кўтарилиб биринчиликни эгаллади. MIT Technology’нинг таъкидлашича, ўтган молиявий чорак давомида компаниянинг маълумотларни қайта ишлаш маркази ҳамда автомобиль бизнесидаги даромади 186 фоизга (мос равишда 24 фоизга) ортган. Шунингдек, компания 3 миллиард долларни еттинчи авлод янги график чипини яратишга сарфлади.

Рейтингда иккинчи поғонани SpaceX компанияси эгаллади. Учликка жорий йилда иккита поғона пастлаган Amazon компанияси якун ясади.

Рейтингдан тўртинчи ўринни Альцгеймер, Паркинсон ва яна саккизта касалликларнинг хавфи борасидаги генетик ҳисоботини сотишга рухсат берган 23andMe хусусий биотехник компанияси эгаллади. Рўйхатнинг ўртасидан инсон ақлига тақлид ва тезроқ ўрганишни таъминловчи тизимнинг янги имкониятларини ишлаб чиқариш билан шуғулланаётган Alphabet компанияси жой олди.

Дунёнинг энг қиммат корпарацияси Apple 16-ўринни банд этди. Компания HomePad ёрдамида Amazon’га етиб олишга ҳаракат қилмоқда. Facebook эса 23-ўринни, Microsoft 27-ўринни, Tesla 31-ўринни эгаллади.

Adidas фирмаси биринчи бор рейтингга кириб, 38-поғонадан жой олди.