Тошкент шаҳридаги Инҳа университетида 5 июлда дастурий маҳсулотлар экспортчилари билан Mirzo Ulugbek Innovation Center Инновация маркази бўйича муҳокамалар ўтказилди.
Тадбирни Ўзбекистон АКТ вазири вазифасини бажарувчи Шерзод Шерматов бевосита олиб бориб, йиғилганларни марказ тақдимоти билан таништирди. Фаолияти узайтирилиш мақсади билан 10 йилга мўлжалланаётган марказнинг вазифаси иқтисодиёт соҳаларида ахборот-коммуникация технологияларини кенг жорий этиш, илм-фан, таълим ҳамда ишлаб чиқариш жараёнларини марказлаштиришдан иборат.
Учрашув қатнашчилари соҳага оид фармон ҳамда қарорлар ва Инновация марказининг фаолиятини йўлга қўйиш бўйича келгуси қадамлар билан танишиш баробарида уларга резидентларни жалб этиш бўйича ўз таклиф ва тавсияларини берди.
Эслатиб ўтамиз, мазкур марказ Ўзбекистон Республикаси Президентининг «Республикада ахборот технологиялари соҳасини ривожлантириш учун шарт-шароитларни тубдан яхшилаш чора-тадбирлари тўғрисида»ги даги фармон асосида яратилмоқда.
Изоҳ (0)