Toshkent shahridagi Inha universitetida 5-iyulda dasturiy mahsulotlar eksportchilari bilan Mirzo Ulugbek Innovation Center Innovatsiya markazi bo‘yicha muhokamalar o‘tkazildi.
Tadbirni O‘zbekiston AKT vaziri vazifasini bajaruvchi Sherzod Shermatov bevosita olib borib, yig‘ilganlarni markaz taqdimoti bilan tanishtirdi. Faoliyati uzaytirilish maqsadi bilan 10 yilga mo‘ljallanayotgan markazning vazifasi iqtisodiyot sohalarida axborot-kommunikatsiya texnologiyalarini keng joriy etish, ilm-fan, ta’lim hamda ishlab chiqarish jarayonlarini markazlashtirishdan iborat.
Uchrashuv qatnashchilari sohaga oid farmon hamda qarorlar va Innovatsiya markazining faoliyatini yo‘lga qo‘yish bo‘yicha kelgusi qadamlar bilan tanishish barobarida ularga rezidentlarni jalb etish bo‘yicha o‘z taklif va tavsiyalarini berdi.
Eslatib o‘tamiz, mazkur markaz O‘zbekiston Respublikasi Prezidentining “Respublikada axborot texnologiyalari sohasini rivojlantirish uchun shart-sharoitlarni tubdan yaxshilash chora-tadbirlari to‘g‘risida”gi dagi farmon asosida yaratilmoqda.
Izoh (0)