Дубай полицияси қарздорларга 50 фоиз чегирма таклиф этди. Бу ҳақда UAE Inside хабар бермоқда.
Таклиф автомобилини рухсат берилмаган жойда қолдиргани ва йўл ҳаракати қоидаларини бузганлиги учун жаримага тортилган ҳайдовчиларга мўлжалланган. Бироқ чегирма амирликдаги йўл солиқларига тегишли эмас.
«Мазкур қарор кўплаб ҳайдовчиларга тўпланиб қолган жарималардан қутилишга ёрдам беради. Уларнинг аксарияти тўланмаган қарзлари борлиги учун рўйхатдан ўтишни узайтирмайди. Энди жарималарини тўлашдан бўйин товлашмайди, деган умиддамиз», — таъкидлади Дубай полицияси йўл ҳаракати департаменти директори Саиф Мухайр ал-Мазруий.
Чегирмалар жорий йилдаги жарималарга қамраб олмайди. Улардан исталган транспорт воситалари эгалари фойдаланиши мумкин.
Изоҳ (0)