Ўзбекистон Республикаси Президенти Шавкат Мирзиёев қарори билан хорижий давлатларга хизмат сафарлари махсус келишувни талаб қиладиган мансабдор шахслар рўйхатига ўзгариш ва қўшимчалар киритилди. Бу ҳақда Norma хабар бермоқда.
Энди Судьялар олий кенгаши раиси ва унинг ўринбосари, шунингдек, Президент ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакилига хизмат сафарига чиқиш учун давлат раҳбари розилиги талаб этилади.
Шунингдек, Судьялар олий кенгаши судьялари, Биринчи Президент Ислом Каримов номидаги илмий-маърифий мемориал комплекс, Ҳ. Сулаймонова номидаги Республика суд экспертизаси маркази раҳбарлари хизмат сафарлари Президент девонининг тегишли хизматлари билан келишиши жорий этилди.
Рўйхатдан Ташқи сиёсий тадқиқотлар мувофиқлаштириш-таҳлил маркази директори ва директор ўринбосари, давлат олий таълим муассасалари проректорлари, МХХ олий таълим муассасалари раҳбарлари, Инсон ҳуқуқлари бўйича миллий марказ директори ўринбосари, Конституциявий суд, Олий суд, Давлат солиқ қўмитаси масъул ходимлари чиқарилди.
Изоҳ (0)