Қозоғистон бошқа давлатлар темир йўл компаниялари инновацион вагонлари учун ўз ҳудудидаги темир йўлларни ёпди. Бу ҳақда Forbes хабар бермоқда.
Гап «Қозоғистон темир йўли» компанияси «Россия темир йўллари» ОАЖга (РЖД) юборган телеграммаси ҳақида кетмоқда. Унда мамлакат инфраструктураси ўққа босими 23,5 тоннадан ошадиган инновацион вагонлар ҳаракатланишига тайёр эмаслиги билдирилган. Шу боис РЖД 4 майдан бошлаб бундай вагонларнинг Қозоғистонга бевосита ёки транзит мақсадида ўтишини ман этди.
Экспертлар Қозоғистон компанияси ҳаракатларини РЖДнинг Остона 2011—2012 йилларда Хитойдан харид қилган 5400 та инновацион вагонни Россияга киритишдан бош тортганига жавоб сифатида баҳолади.Маълумот учун, ўққа юқори — 25 тоннадан ошиқ босимли вагонлар инновацияли ҳисобланади.
Изоҳ (0)