Ҳиндистон ва Хитой чегара кучлари Ҳиндистоннинг Сикким штати ҳудудида бир-бирига қарши мудофаага туриб олди, деб ёзади «ТАСС». Ҳиндистонлик аскарлар чегарадош томондан бўладиган ҳужум олдини олмоқчи.
Business Standard газетаси аноним манбаларига таяниб маълум қилишича, хитойлик ҳарбийлар бир неча кун аввал Сикким, Бутан ва Хитойнинг Тибет мухтор тумани чегаралари туташган жойдаги Дока-Ли довони яқинида Ҳиндистон ҳудудига кириб олиб, ҳинд армиясининг иккита дала истеҳкомини бузгач, бундай кескин вазият юзага келган.
Ҳиндистон мудофаа вазирлиги ва ташқи ишлар вазирлиги бу хабарларга изоҳ берганича йўқ.
Ўз навбатида Пекин ҳиндистонлик чегарачиларни Сикким ҳудудида Хитой чегарасини ноқонуний равишда кесиб ўтганликда айблади. Хитой томони Ҳиндистон мамлакат ҳудудидан ўз ҳарбийларини зудлик билан чиқариб кетишини талаб қилмоқда.
Изоҳ (0)