Hindiston va Xitoy chegara kuchlari Hindistonning Sikkim shtati hududida bir-biriga qarshi mudofaaga turib oldi, deb yozadi “TASS”. Hindistonlik askarlar chegaradosh tomondan bo‘ladigan hujum oldini olmoqchi.
Business Standard gazetasi anonim manbalariga tayanib ma’lum qilishicha, xitoylik harbiylar bir necha kun avval Sikkim, Butan va Xitoyning Tibet muxtor tumani chegaralari tutashgan joydagi Doka-Li dovoni yaqinida Hindiston hududiga kirib olib, hind armiyasining ikkita dala istehkomini buzgach, bunday keskin vaziyat yuzaga kelgan.
Hindiston mudofaa vazirligi va tashqi ishlar vazirligi bu xabarlarga izoh berganicha yo‘q.
O‘z navbatida Pekin hindistonlik chegarachilarni Sikkim hududida Xitoy chegarasini noqonuniy ravishda kesib o‘tganlikda aybladi. Xitoy tomoni Hindiston mamlakat hududidan o‘z harbiylarini zudlik bilan chiqarib ketishini talab qilmoqda.
Izoh (0)