Фёдор Емельяненко Bellator 180 турнирида 74-сониядаёқ техник нокаутга учради (видео)

MMA (аралаш қоидалар санъати) бўйича тўрт карра жаҳон чемпиони Фёдор Емельяненкога Pride FC йўналишида тенгсиз деб қаралади. У RINGS’да икки карра, WAMMA йўналишида икки карра чемпион ҳисобланади.

Карьераси давомида 41 та жангда рингга чиққан спортчи 36 бор рақибларини мағлуб этганди. Шуларнинг 11 тасини нокаут билан якунлашга муваффақ бўлган ва 5 та мағлубият қабул қилиб олган. Кеча — 26 июнь куни Емельяненко катта спортга қайтганидан кейинги учинчи жангини ўтказди.

Америкалик Мэтт Митрионга қарши жанг қилган россиялик спортчи 74-сониядаёқ мағлубиятга учради. Ҳар икки спортчи бир-бирига нокдаунга тушириб қўядиган зарба берди. Бунда Мэтт рақибидан тезроқ ўзига келди ва уни бир йўла нокаутга учратиб қўя қолди.

From near DOUBLE KO to Matt Mitrione finishing legend Fedor Emelianenko with an early first round TKO #Bellator180

pic.twitter.com/vArMaUom5n

— Fantasy Sports Degens (@FantasyDegens) June 25, 2017

Нью-Йоркдаги жангга қадар 38 ёшли Митрион 12 та жангда зафар қучган бўлиб, 11 тасида рақибларини нокаут қилган ва 5 та жангни бой берганди. Емельяненко эса айни пайтда 40 ёшда.