2017 йил 24 июнда Халқ депутатлари Жиззах вилоят Кенгашининг сессияси бўлиб ўтди. Йиғилишда вилоят ҳокимиятидаги янги тайинловлар бўлиб ўтди. Бу ҳақда Жиззах вилояти ҳокимлигининг ахборот хизматига таяниб, UzNews хабар берди.
Жиззах вилояти ҳокимининг иқтисодиёт ва тадбиркорлик масалалари бўйича биринчи ўринбосари этиб Алижон Абдуллаев тайинланди. Бу лавозимда у «Ўзбекэнерго» АЖ бошқаруви раиси этиб тайинланган Улуғбек Мустафоевнинг ўрнини эгаллади.
Бунгача Алижон Абдуллаев «Жиззах» эркин иқтисодий зонаси дирексияси бошлиғи лавозимида фаолият юритган.
Шунингдек, вилоят ҳокимининг ёшлар сиёсати ва ижтимоий ривожлантириш ишлари бўйича ўринбосари этиб Ботир Тўхтамишев тайинланди.
Изоҳ (0)