Айова штатида ўз тарафдорлари қаршисида нутқ сўзлар экан, АҚШ президенти Дональд Трамп Вашингтон «коммунизм зулми»га қарши курашишини маълум қилди, деб ёзади «Коммерсантъ».
Трамп Куба туфайли бу ҳақда эслатиб ўтди ва Барак Обама маъмуриятининг ушбу мамлакатга нисбатан тутган йўлини бир томонлама битим деб атади.
«Бу ажойиб: Обама қамоқхоналарида минглаб одамлар ўтирган Куба билан битим тузди, Эрон билан битим тузди. Шундан кейин эса Трамп ярамас одам дейишади. Бунга ишониб бўлмайди», — деди Америка президенти. Шу билан бирга, Дональд Трамп Куба билан яхшироқ келишувга эришишга ваъда берди.
Нашр эслатишича, АҚШ Кубага ташриф буюрмоқчи бўлган америкаликлар учун чекловлар киритмоқчи ва кубалик ҳарбийлар билан хизмат юзасидан ҳамкорликни тақиқламоқчи. Аммо Дональд Трамп Гаванадаги Америка элчихонасини ёпиш ниятида эмас. Куба ҳукумати эса АҚШ билан музокараларни давом эттирмоқчи.
Изоҳ (0)