Билл Гейтс Forbes талқини бўйича энг бой америкалик деб топилди

Microsoft компанияси асосчиси Билл Гейтс Forbes журнали бўйича АҚШнинг энг бой одами деб топилди, деб хабар беради «Коммерсантъ».

Нашр мамлакатнинг 50 та штатидан бўлган энг бой инсонлар рўйхатини тузиб чиқди. Вашингтонда истиқомат қилувчи Гейтснинг  бойлиги 88,9 миллиард долларга баҳоланмоқда.

Amazon компаниясининг асосчиси Жефф Безос ҳам Вашингтон резиденти ҳисобланиб, 83,3 миллиард доллар билан рўйхатдан иккинчи поғонани банд этди. Безос яқин вақт ичида энг бой америкаликлар рўйхатида биринчиликка чиқиб олиши мумкин, чунки ўтган йил давомида Amazon акцияларининг нархи деярли 50 фоизга ортди.

Учинчи ўринни 76,2 миллиард доллар бойлиги билан Небраскада яшовчи Уоррен Баффет, тўртинчи ўринни эса Facebook асосчиси Марк Цукерберг 62,4 миллиард доллар давлати билан эгаллади. Forbes АҚШнинг еттита штатидан миллиардерларни топа олмаган.