Bill Geyts Forbes talqini bo‘yicha eng boy amerikalik deb topildi

Microsoft kompaniyasi asoschisi Bill Geyts Forbes jurnali bo‘yicha AQShning eng boy odami deb topildi, deb xabar beradi “Kommersant”.

Nashr mamlakatning 50 ta shtatidan bo‘lgan eng boy insonlar ro‘yxatini tuzib chiqdi. Vashingtonda istiqomat qiluvchi Geytsning  boyligi 88,9 milliard dollarga baholanmoqda.

Amazon kompaniyasining asoschisi Jeff Bezos ham Vashington rezidenti hisoblanib, 83,3 milliard dollar bilan ro‘yxatdan ikkinchi pog‘onani band etdi. Bezos yaqin vaqt ichida eng boy amerikaliklar ro‘yxatida birinchilikka chiqib olishi mumkin, chunki o‘tgan yil davomida Amazon aksiyalarining narxi deyarli 50 foizga ortdi.

Uchinchi o‘rinni 76,2 milliard dollar boyligi bilan Nebraskada yashovchi Uorren Baffet, to‘rtinchi o‘rinni esa Facebook asoschisi Mark Sukerberg 62,4 milliard dollar davlati bilan egalladi. Forbes AQShning yettita shtatidan milliarderlarni topa olmagan.