Ижтимоий тармоқларда Сурхондарё вилоятидаги бозорда ўз аёлининг кўз ўнгида эркакни 5 киши пичоқ билан пичоқлаб ўлдиргани айтилган хабарлар тарқалди. Вилоят Прокуратураси ҳолат юзасидан маълумот берди.
Унда айтилишича, Шўрчи туманида содир бўлган ҳолат бўйича Жиноят кодексининг 97-моддаси (қасддан одам ўлдириш) билан жиноят иши қўзғатилди. Жиноят иши доирасида 2 нафар шахсга нисбатан қамоққа олиш эҳтиёт чораси қўлланилган.
Аёлнинг сўзларига кўра, турмуш ўртоғини ўлдирган шахслар бегона эмас. Улар бир неча бор мазкур оилага ўлдириш билан таҳдид қилиб келган.
Тергов ҳаракатлари давом этмоқда. Жиноят ишининг тергови вилоят прокуратураси томонидан назоратга олинган.
Сурхондарё вилоятида эркак қайнукаси томонидан, Самарқандда 70 ёшли эркак 60 ёшли қайнукаси томонидан пичоқланганди. Бухорода эр жанжал сабаб хотинини пичоқлагани, Жиззахда эр рашк сабаб аввал хотинини, кейин эса ўзини пичоқлаб ўлдиргани, Вобкент туманида маст фуқаро қайнукасини пичоқлагани тўғрисида хабар берилганди.
Изоҳ (0)