Квартирани таъмирлатишда алданиб қолмаслик учун беш маслаҳат

Квартиранинг таъмири жуда муҳим ва масъулиятли жараён бўлиб, унда уй эгасининг шахсий назорати катта аҳамиятга эга. Ҳар қандай ҳолатда ҳам таъмирловчилар турли камчиликларга йўл қўйиши ва уй эгасини алдаши мумкин. «Так просто» нашри бунинг олдини олиш учун ўз маслаҳатларини таклиф қилди.

Материалларни сотиб олиш

Ҳеч қандай ҳолатда қурилиш материлларини харид қилишни ишчиларга ишонманг, ҳатто улар буни илтимос қилса ҳам. Улар тез-тез нарх устига ўз манфаатини ҳам қўшади. Қурилиш материаллари бозоридаги нархларни ўрганинг ва текширилган дўконларда харидни амалга оширинг.

Иш қуролларини сотиб олиш

Агар ишчилар сизнинг ҳисобингиздан иш қуроллари сотиб олиш кераклигини айтса, уларнинг хизматидан фойдаланмаган маъқул. Тажрибали усталарда, албатта, ҳар қандай уйни таъмирлаш учун керак бўлган барча зарур қуроллар бўлади.

Квартира ишчиларнинг яшаш жойига айланмаслиги керак

Баъзи ишчилар ўзлари таъмирлаётган уйда яшашни сўрайди. Бу ҳолатда ишчилар нафақат сизнинг, балки қўшнингизнинг уйини ҳам таъмирлаши мумкин. Бундан ташқари, ишчиларнинг тунашга жойи бўлмаган танишлари ҳам сизнинг квартирангизда меҳмон бўлиши мумкин.

Таъмир муддатлари

Агар ишчилар таъмирни бир неча кун ичида тўлиқ тугатишни ваъда берса, ишнинг сифати ҳам шунга яраша бўлади. Ишчилар муддатни чўзиши ҳам мумкин. Бундай хатти-ҳаракат сиз ишчиларнинг ягона мижози эмаслигингиздан далолат беради.

Ишчиларнинг бепарволиги

Таъмир жараёнини ҳар доим назорат қилиш керак, айниқса иш ёпиқ коммуникациялар устида бораётганда. Акс ҳолда сиз деворга ёпиштирилган розеткалар ва арзон пластмасса қувурларга эга бўлишингиз мумкин.