2016 йилда жами 50 миллион долларлик ўзбек гилоси экспорт қилинди. Бу ҳақда «Ўзагроэкспорт» АЖ матбуот хизмати маълум қилди.
Бугунги кунда Ўзбекистон гилос етиштириш бўйича дунёда бешинчи ўринда туради (йилига 100 минг тонна). Ундан камида 30 фоизи ҳар йили МДҲ ва узоқ хориж давлатларига экспорт қилинади.
«Ўзагроэкспорт» АЖ томонидан маҳалллий муассасалар билан ҳамкорликда нафақат экспорт ҳажмини ошириш, балки ўзбек гилоси экспорти географиясини кенгайтириш ва диверсификацияси бўйича ҳам ишлар олиб борилмоқда.Жумладан, жорий йилда асосий экспорт қилинувчи давлатлардан ташқари, янги гилос Буюк Британия, Жанубий Корея, БАА ва бошқа мамлакатларга юборилди.
Қайд этиш жоизки, Корея томонининг талаблари ўрганиб чиқилганидан сўнг масъул муассасалар саъй-ҳаракати билан ўзбек гилосини Жанубий Кореяга экспорти тақиқи олиб ташланди. Экспорт шартномалари имзоланиб, экспорт барқарор равишда амалга оширилиши йўлга қўйилди.
Бундан ташқари, кореялик ҳамкорлар билан анор ва қовун экспорти бўйича келишувга эришилди.
Mаркетинг тадқиқотларига кўра, Болтиқбўйи, Европа ва Жануби-шарқий Осиё давлатларида Ўзбекистоннинг янги ва қуритилган мева-сабзавот маҳсулотлари катта талабга эга бўлмоқда.
Шу нуқтаи назардан, хорижда янги ҳамкорларни қидириб топиш бўйича фаол ишлар олиб борилмоқда. БАА, Япония, Жанубий Корея, Франция, Германия ва бошқа мамлакатлар компаниялари билан экспорт ҳажмини ошириш масаласи ўрганилмоқда.
Изоҳ (0)