Тошкент вилояти ИИБнинг хабар беришича, ўзининг икки танишини Малайзияда фоҳиша сифатида ишлатиш учун олиб кетмоқчи бўлган аёл қўлга олинган.
Ҳуқуқни муҳофаза қилувчи органлар томонидан ўтказилган тадбир давомида Ислом Каримов номидаги Тошкент халқаро аэропортида Бекобод шаҳрида вақтинча яшовчи 1984 йилда туғилган Холида Аҳророва қўлга олинган. У танишлари — Бекобод туманида яшовчи 1983 йилда туғилган Манзура Орипова ва 1998 йилда туғилган Ҳулкарой Нодироваларни Малайзиянинг Куала-Лумпур шаҳридаги меҳмонхоналарнинг бирида ўзининг жиноий шериги «Сем» исмли таниши билан бирга улардан фоҳиша сифатида фойдаланиш мақсадида олиб кетмоқчи бўлган.
Улар Тошкент — Куала-Лумпур йўналиши орқали Малайзияга чиқиб кетаётган вақтида тадбир иштирокчилари томонидан жиноят устида қўлга олинган.
Холида Аҳроровадан ўзининг, Манзура Орипова ва Ҳулкарой Нодированинг номига банд қилинган Тошкент — Куала-Лумпур йўналишидаги авиачипталар ашёвий далил сифатида олинган.
Ҳолат юзасидан Холида Аҳроровага нисбатан Ўзбекистон Республикаси Жиноят Кодексининг тегишли моддалари билан жиноят иши қўзғатилган.
Изоҳ (0)