Boeing компанияси ҳайдовчисиз тижорат йўловчи самолётларини яратиш имкониятларини кўриб чиқишга киришди, деб ёзади 3DNews. Уларнинг автопилот тизимида парвоз чоғида қарор қабул қилиш учун сунъий интеллектдан фойдаланилади.
Париж авиашоуси бошланиши арафасида дунёдаги энг йирик самолёт ишлаб чиқарувчи компания келаси йили учувчисиз самолётлар учун технологияларнинг баъзиларини синаб кўриш ниятини маълум қилди. «Технологияларни яратиш учун таянч блоклар мавжуд», — деди Boeing 787 Dreamliner лойиҳаси собиқ бош муҳандиси ва айни пайтда Boeing’нинг бўлғуси инновацион технологиялар учун масъул бўлган вице-президенти Майк Синнетт.
Ҳақиқатан ҳам, ҳозирданоқ авиалайнерлар борт компьютери ёрдамида, инсон аралашувисиз, учиш ва қўнишни амалга ошира олади, шунингдек, автопилотда парвоз қила олади. Оддий йўловчи самолётида эса учувчилар сони учтадан иккитага камайтирилган.
Собиқ учувчи бўлган Синнетт шу ёзда тренажёрда сунъий интеллект қўлланилган янги технологияни синаб кўрмоқчи, келаси йилда эса технология реал шароитларда синовдан ўтказилади.
Изоҳ (0)