Россиянинг Омск вилоятидаги Соломатин номли ҳайвонот боғига кирган ширакайф йигитлар Қизил китобга кирган жингалак сақоқуш ва Даур турнаси, шунингдек, тустовуқнинг бошига етди. Бу ҳақда «MK.ru» хабар бермоқда.
Текширув давомида полиция бу жиноят ортида 20 ва 22 ёшда бўлган икки маҳаллий фуқаро турганини аниқлади. Улар маст ҳолда тунда қулфни бузиб, ҳайвонот боғига киради.
Улар аввалига урғочи буғудан кабоб қилмоқчи бўлади, аммо жониворни тутолмайди. Шундан сўнг қушлар сақланаётган майдончага кириб, болға билан улардан учтасининг бошини мажақлади.
Мазкур ҳолат бўйича «Ҳайвонлар билан шафқатсиз муомала қилиш» ва «Ўғрилик» моддалари бўйича жиноий иш қўзғалди.
Изоҳ (0)