Ўзбекистон Республикаси Президенти девонининг Фуқаролар ҳуқуқларини ҳимоя қилиш, жисмоний ва юридик шахсларнинг мурожаатлари билан ишлашни назорат қилиш ва мувофиқлаштириш хизмати масъул ходимлари томонидан Хоразм вилоятининг Хонқа, Шовот, Янгибозор туманлари ва Урганч шаҳрида сайёр қабуллар ўтказилди, деб хабар берди ЎзА.
Боғот тумани «Тоза бозор» маҳалласида яшовчи фуқаро Сўнажон Душамованинг мурожаатига асосан маҳалладаги мактабгача таълим муассасаси ишга туширилиб, аҳоли тоза ичимлик суви билан таъминланадиган бўлди.
Президентимизнинг Халқ қабулхонасига ўзим истиқомат қилаётган «Тоза бозор» маҳалла фуқаролар йиғинидаги 8-мактабгача таълим муассасасини тезроқ ишга тушириш бўйича мурожаат қилган эдим. Бугунги сайёр қабулда тегишли ташкилотларга керакли кўрсатмалар берилди ва шу йилнинг 10 июлида ушбу муассаса болалар ихтиёрига топшириладиган бўлди. Маҳалламизни тоза ичимлик суви билан таъминлаш, йўлларни капитал таъмирдан чиқариш бўйича ҳам қатъий муддатлар белгиланиб, масъул раҳбарларга топшириқлар берилди. Бундан бутун маҳалламиз аҳли хурсанд.Аксарият мурожаатларда келтирилган инсон ҳуқуқларининг бузилиши ҳолатлари ва бошқа ижтимоий-иқтисодий муаммолар ўз жойида ҳал этилди. Маълум муддат, яъни атрофлича ўрганиш тақозо этиладиган мурожаатлар бўйича тегишли мутасаддиларга топшириқлар, мурожаат эгаларига ҳуқуқий тушунчалар берилди.Сўнажон Душамова
Туманимизда 178 мингдан зиёд аҳоли истиқомат қилади. Аҳолининг яшаш шароитини яхшилаш, уларни қийнаётган муаммоларни бартараф этиш мақсадида ишчи гуруҳлар иш олиб бормоқда. Аммо бугунги сайёр қабулда биз ҳали ўз ечимини кутиб турган масалалар кўплигини англадик. Айниқса, кам таъминланган, эҳтиёжманд оилалар билан ишлаш, уларни ўз имкониятлари доирасида иш билан таъминлашни янада жадаллаштиришимиз лозим экан. Сайёр қабулда тегишли вазирликлар масъул ходимлари билан биргаликда туманимиз аҳолисини қийнаётган масалалар юзасидан тегишли ёрдам берилиши билдирилди.Сайёр қабулларда кўриб чиқилган масала ва муаммолар муҳокама қилиниб, уларнинг аксарияти қонунчилик талаблари асосида ҳал этилди.Омонбой Жуманазаров, Хонқа тумани ҳокими
Изоҳ (0)