Канада, Хитой ва АҚШлик палеонтологлар гуруҳи илк бор Хитой пойтахтида, тахминан, 99 миллион йил илгари қаҳрабода қотиб қолган қуш боласини намойиш этди. Бу ҳақда SINА ахборот портали маълум қилди, деб ёзади «ТАСС».
Қадимий қушнинг тошга айланган жасади Мьянма шимолидан 2016 йилда топилган эди. Бироқ унинг ёшини аниқлаш учун олимлар бир неча ой сарфлади. Қуш боласининг узунлиги олти сантиметрга етади, қатрон қатламидан унинг боши, бўйни, қанотлари, панжалари ва думи, шунингдек, тери қоплами ва патларини аниқ кўриш мумкин.
«Қадимий қушларни ўрганишнинг ноёб имкониятига эга бўлдик. Қушнинг қулоқ тешиклари, кўзлари, панжаларидаги қопламалари каби қисмлари ҳам яхши сақланиб қолган», — дейди Лос-Анжелес табиий тарих музейидан Луис Чиаппе.
Америкалик олимнинг сўзларига қараганда, қуш боласи бир неча ҳафталигида қаҳрабо қатронига ботиб қолган.
Изоҳ (0)