Kanada, XXR va AQShlik paleontologlar guruhi ilk bor Xitoy poytaxtida, taxminan, 99 million yil ilgari qahraboda qotib qolgan qush bolasini namoyish etdi. Bu haqda SINA axborot portali ma’lum qildi, deb yozadi “TASS”.
Qadimiy qushning toshga aylangan jasadi Myanma shimolidan 2016-yilda topilgan edi. Biroq uning yoshini aniqlash uchun olimlar bir necha oy sarfladi. Qush bolasining uzunligi olti santimetrga yetadi, qatron qatlamidan uning boshi, bo‘yni, qanotlari, panjalari va dumi, shuningdek, teri qoplami va patlarini aniq ko‘rish mumkin.
“Qadimiy qushlarni o‘rganishning noyob imkoniyatiga ega bo‘ldik. Qushning quloq teshiklari, ko‘zlari, panjalaridagi qoplamalari kabi qismlari ham yaxshi saqlanib qolgan”, — deydi Los-Anjeles tabiiy tarix muzeyidan Luis Chiappe.
Amerikalik olimning so‘zlariga qaraganda, qush bolasi bir necha haftaligida qahrabo qatroniga botib qolgan.
Izoh (0)