Ўзбекистон Президенти Шавкат Мирзиёев 3 июнь куни Андижон шаҳридаги «Ёйилма» маҳалла фуқаролар йиғинига ташриф буюрди, деб хабар берди ЎзА.
Президент маҳалла ҳаёти билан танишиб, одамлар билан мулоқот қилди. Маҳалла фуқаролар йиғини гузари қурилиши лойиҳаси, ҳудудда амалга оширилаётган ободонлаштириш ишларини кўздан кечирди.
Фарзандларимизни болалигидан гўзал хулқли, маданиятли қилиб тарбиялашимиз лозим. Бунинг учун муносиб шароит яратишимиз керак. Улар чиройли, обод жойларда яшаса, кўп китоб ўқиса, маънавий олами бой бўлади, ватанпарвар бўлиб вояга етади.«Ёйилма» маҳалласидаги 60 дан ортиқ кўп қаватли уйда 5 минг 800 дан зиёд турли миллат вакиллари истиқомат қилади. Ҳудудда 8 болалар майдончаси, мини-футбол, баскетбол, футбол майдонлари бор. Маҳалла атрофида 1 коллеж, 1 умумтаълим мактаби, 2 та мактабгача таълим муассасаси фаолият кўрсатмоқда.Шавкат Мирзиёев, Ўзбекистон Президенти
Шунингдек, Президент маҳалла профилактика инспектори Фарруҳ Ғаниев хонадонида бўлди.
Профилактика инспекторларини маҳаллалар марказида хизмат уйлари билан таъминлаётганимиз бежиз эмас. Профилактика инспектори маҳаллада яшаб, фаоллар билан бамаслаҳат иш олиб борса, ҳудудда маънавий муҳит яхшиланади, жиноят содир этилмайди. Бу аҳолининг давлатга, келажакка ишончини оширади.Шавкат Мирзиёев, Ўзбекистон Президенти
Изоҳ (0)