Ўзбекистон Республикаси Президенти девонининг Фуқаролар ҳуқуқларини ҳимоя қилиш, жисмоний ва юридик шахсларнинг мурожаатлари билан ишлашни назорат қилиш ва мувофиқлаштириш хизмати масъул ходимлари томонидан Сирдарё вилоятида сайёр қабуллар бўлиб ўтди, деб хабар берди ЎзА.
Сирдарё, Янгиер, Гулистон шаҳарлари ва Оқолтин туманида ўтказилган сайёр қабулларда 500 га яқин мурожаат турли вазирлик ва идоралар вакиллари иштирокида кўриб чиқилди.
Жорий йилда Ўзбекистон Республикаси Президентининг Виртуал қабулхонасига вилоятдан 15 минг 368 мурожаат келиб тушган. Президентнинг Сирдарё вилоятидаги Халқ қабулхонасига 5 минг 425 мурожаат бўлган. Уларнинг асосий қисми уй-жой олиш, уй-жой қуриш учун ер ажратиш, моддий ёрдам, иш ҳақи, пенсия таъминоти, меҳнат ва бандлик, суд қарорлари ижро этилиши, судларда жиноят ишлари, фуқаролик ишларининг кўрилиши, банк-молия ва солиққа тортиш, таълим, соғлиқни сақлаш соҳалари, тадбиркорлик, коммунал хизмат, ҳуқуқни муҳофаза қилиш масалаларига тааллуқлидир.
Сирдарё шаҳрида ўтказилган сайёр қабулда Сайхунобод тумани Фаровон маҳалласида яшовчи Хосият Маматова ўзи ва турмуш ўртоғи ногиронлиги, 11 ёшли ўғлининг суннат тўйини қилолмаётгани, бир неча бор мурожаат қилишига қарамай, маҳалла бу борада ҳеч қандай ёрдам кўрсатмаётгани юзасидан мурожаат қилди.
Бугунги қабулда 6 йилдан буён ҳал бўлмай келаётган масалага ечим топилди. Ўғлимнинг суннат тўйини туман ҳокимлиги Рамазон ойидан кейин ўтказиб беришни ўз зиммасига олди.Сирдарё тумани «Тадбиркор» маҳалла фуқаролар йиғинида истиқомат қилувчи Маъмир Рустамов Сирдарё – Бахт – Гулистон шаҳарлари йўналишидаги жамоат транспорти қатнови эрталаб жуда кеч бошланиши, кечки пайт эса вақтли якунланаётганидан норози бўлиб мурожаат қилган. Бу масала ҳам шу ернинг ўзида мутасадди ташкилотлар вакиллари томонидан ижобий ҳал этилди. Ҳайдовчиларнинг муомала маданиятини ошириш борасида қатъий иш олиб бориладиган бўлди.Хосият Маматова
Изоҳ (0)