Наманган вилоятида ҳафта давомида гиёҳвандлик воситалари сотиш ҳамда етиштириш билан боғлиқ 4 та жиноят содир этилгани аниқланди. Бу ҳақда «Дарё»га Наманган вилоят ИИБ матбуот хизмати маълум қилди.
Хусусан, 25 май куни «Қорадори-2017» тадбири давомида Тўрақўрғон тумани ИИБ ходимлари Кужрон маҳалласида истиқомат қилувчи Абдусалим Жумаев (исм-шариф шартли) хонадони холислар иштирокида текшириб қўрилди. Хонадон томорқасига экилган турли экинлар орасида 30 туп кўкнор ҳам парваришлаб келинаётганлиги аниқланди.
Ушбу ҳолат юзасидан Тўрақўрғон туман ИИБ томонидан Жиноят кодексининг бир неча моддалари билан жиноят иши қўзғатилиб, тергов-суриштирув ҳаракатлари олиб борилмоқда.
Изоҳ (0)