АҚШ раҳбарлигидаги халқаро коалициянинг ҳарбий-ҳаво кучлари Сурия шимоли-шарқидаги Дайр-аз-Зор вилоятига зарба берди, натижада ИШИД террорчилик гуруҳининг интернет-порталини яратган жангари йўқ қилинди, деб ёзади «ТАСС» Reuters’га таяниб.
Американинг экстремистлар фаолиятини интернет орқали кузатиб борувчи SITE Intelligence Group ташкилоти маълумотларига кўра, портал 2014 йилда яратилган, ва ўшандан буён ИШИД жангарилари ундан бутун дунё бўйлаб амалга оширилган терактлар учун ўзлари жавобгар эканлигини эълон қилиш учун фойдаланган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)