Жиззах вилояти Шароф Рашидов туманида ҳарбий хизматчилар ва уларнинг оилалари учун янги турар жой биноси қуриб фойдаланишга топширилди, дея хабар бермоқда ЎзА.
Ҳарбий шаҳарчада ҳар бири 2 хонадонга мўлжалланган иккита бир қаватли ва 20 хонадонга мўлжалланган битта 2 қаватли уйга 24 оила кўчиб кирди.
«Маҳаллий иқлим шароити ҳисобга олиниб барпо этилган 2 ва 3 хонали замонавий уйга кўчиб ўтганидан ҳарбийлар, айниқса, уларнинг оила аъзолари жуда хурсанд», — дейилади агентлик ахборотида.
Барча замонавий шароитлар яратилган уй берилганидан турмуш ўртоғим ва ота-онамнинг хурсандчилигини кўриб, ҳарбийлик касбини танлаганимдан фахрланиб кетдим. Бу ердаги шароитлар шаҳарникидан асло қолишмайди. Уй олдида болалар майдончаси ҳам барпо этилган.Салоҳиддин Бегматов, кичик сержант
Изоҳ (0)