Корея Республикаси собиқ президентининг яқин дугонаси Чхве Сун Силнинг қизи Чон Ю Ра прокуратура вакиллари томонидан Амстердамдан Сеулга йўл олган самолёт бортида ҳибсга олинди. Бу ҳақда назорат бошқармаси маълум қилди, деб ёзади «ТАСС».
«Жанубий Кореяга етиб келиши билан Чон Ю Ра тергов марказига келтирилади ва у ерда сўроқ қилинади», — дейилади хабарда. Аввалроқ аёл яширинган Дания расмийлари уни Жанубий Кореяга топширишга қарор қилди.
20 ёшли Чон Ю Ра Даниянинг Ольборг шаҳрида 1 январь куни Интерпол томонидан берилган халқаро ордер асосида қўлга олинган эди. У ватанида ўрнатилган қоидаларни четлаб ўтган ҳолда университетга ўқишга кириш ва онасига турли фирибгарликларни амалга оширишга кўмак берганликда гумон қилинмоқда.
Изоҳ (0)