Эрон конституцияси ҳимоячилари кенгаши (унинг вазифалари қаторига сайловларни кузатиш ҳам киради) Ҳасан Руҳоний мамлакат президенти этиб қайта сайланганини тасдиқлади. Бу ҳақда «РИА Новости» хабар бермоқда.
Расмийлар 19 май куни Эронда бўлиб ўтган сайловларда амалдаги президент Ҳасан Руҳоний 57 фоиз овоз тўплаб, иккинчи муддатга қайта сайланганини эълон қилди.
Унинг асосий рақиби, собиқ бош прокурор Иброҳим Раисий сайловчиларнинг 38 фоиз овозини тўплади.
Мағлубиятдан сўнг Раисий Эрон конституцияси ҳимоячилари кенгашига мактуб йўллаб, овоз беришга қадар ва ундан сўнг кузатилган қонун бузилишларини синчиклаб таҳлил этиш зарурлигини билдирганди.
Изоҳ (0)