Трамп: Пхеньян Пекинга нисбатан ҳурматсизликка йўл қўймоқда

Пхеньян Пекинга нисбатан ҳурматсизликка йўл қўймоқда. АҚШ президенти Дональд Трамп КХДР томонидан навбатдаги баллистик ракета учирилишига шундай муносабат билдирди, деб хабар беради «Газета.ru».

«Шимолий Корея яна бир баллистик ракета учириб, ўзининг қўшниси — Хитойга катта ҳурматсизликни намойиш этди», — дея ёзув қолдирди Трамп Twitter’даги саҳифасида.

Шу билан бирга, АҚШ президенти Пекиннинг Пхеньян билан мулоқот имкониятини таъминлаш ҳақидаги ваъдасини назарда тутиб, «Хитой астойдил тиришаяётгани»ни ҳам қўшимча қилди.

Эслатиб ўтамиз, олдинроқ Хитой ташқи ишлар вазирлиги Пекин Пхеньянга иқтисодий таъсир кўрсатиш учун Вашингтондан 100 кунлик муддат сўраганлиги ҳақидаги хабарни рад этганди.