Хитой ҳукумати маҳаллий ОАВга мамлакатнинг энг кучли ўйинчиси ва Google AlphaGo алгоритми ўртасида бўлиб ўтган миллий Gо ўйини мусобақасида трансляция ва мусобақа натижаларини эълон қилишни тақиқлади. Кейинроқ мусобақада мағлуб бўлган Ке Цзенинг айтишича, алгоритм инсонга нисбатан жуда кучли бўлган, деб хабар берди TJournal.
Хитой ҳукумати нашрлар ва телеканалларга ўйинни трансляция қилмаслик ва унинг натижаларини эълон қилмаслик борасида огоҳлантириш жўнатди. Ўйиннинг хитойлик фанатлари ўз юртида бўлиб ўтаётган мусобақани кўра олишмаётганидан ғазабда.
Ўйин нима сабабдан трансляция қилинмагани изоҳланмади. The Guardian’нинг маълумотларига кўра, Хитой ҳукумати миллий ғурурга путур етишини истамаган.
Таъкидланишича, ўйин мамлакатнинг миллий бойлиги ҳисобланиб, уни ҳар бир жентльмен худди рассомчилик ва ҳуснихатга эга бўлгани каби ўйнай билиш керак.
Мусобақанинг биринчи ўйини 23 май куни бўлиб ўтди. Унда Google алгоритми 19 ёшли чемпион устидан ғалаба қозонди. N+1 нашрининг ёзишича, авваллари, компьютер мавҳум фикрлашга эга бўлмагани сабаб Gо ўйинида одамни юта олмайди деб ҳисобланган. Бироқ AlphaGo 2016 алгоритми барқарор равишда дунёнинг энг кучли ўйинчиларини ютиб келмоқда.
Изоҳ (0)