Ижтимоий тармоқларнинг фаол фойдаланувчиларидан ҳисобланган актёр ва режиссёр Азамат Аҳроровнинг Instagram’даги саҳифаси номаълум шахслар томонидан ўзлаштириб олинди.
«Киберқароқчилар» қарийб 220 минг обуначиси бўлган @azamat_axrorov саҳифасини қандай қилиб ўзлаштиргани номаълум. Ҳозирги вақтда «қароқчилар» қўлида қолаётган саҳифада актёрнинг номидан суратлар, хабарлар бериб борилмоқда.
Азамат Аҳроровнинг журналист Феруз Муҳаммадга маълум қилишича, у шахсий саҳифасини ўзлаштириб олган шахслар билан алоқага чиққан, бироқ ҳозирча бирор келишувга эришолгани йўқ.
Хакерлар Instagram’даги шахсий саҳифамни эгаллаб олди, шу вақтгача жойлаштирилган барча суратларим ва видеоларимни ўчириб ташлади.Маълумот учун, Азамат Аҳроров режиссёрлигида суратга олинган «Қайсаргинам» ва «Нотаниш қотил» картиналари 2016 йилнинг энг кўп томошабин тўплаган 10 фильми қаторидан ўрин олган эди, 2017 йил 10 майида экранларга чиққан «Қайсаргинам 2» май ойининг иккинчи ҳафтасида энг кассабоп фильмга айланган.Instagram’даги бошқа бир профилдан ўз профилимга хабар ёзиб, саҳифамни қайтаришларини сўрадим. Улар ўз саҳифамни ўзимга пулламоқчи бўлиб, мендан 350 доллар пул талаб қилди. Мен айтилган пулни учрашиб, тўлашга розилигимни айтдим, бироқ улар пулни электрон ҳамёнга ўтказишни талаб қилмоқда.
Дўстларимни огоҳлантириб қўймоқчиман: Instagram’даги саҳифамни эгаллаб олганлар менинг номимдан ҳар хил хабарлар юбориши мумкин.
Азамат Аҳроров, актёр ва режиссёр
Изоҳ (0)