Индонезияда паром ёниб кетиши оқибатида камида уч киши ҳалок бўлди, 84 нафар йўловчининг тақдири номаълум. Бу ҳақда Maritime Executive нашрига таяниб, «РИА Новости» хабар берди.
Нашрнинг маълумотларига кўра, кемада жами 178 киши бўлган. Индонезия қидирув-қутқарув хизмати 91 нафар одам қутқариб олинганини маълум қилди. Айни вақтда қолган 84 нафар йўловчининг тақдири номаълум.
Ёнғин бошланган маҳали Mutiara пароми Ява оролидан Борнео ороли томон сузаётган бўлган. Экипаж аъзолари оловни ўчиришга ҳаракат қилган, бироқ бу фойда бермаган. Шунда кема капитани экипаж ва йўловчиларга қутқарув нимчаларини тақиб паромни тарк этиш буйруғини берган.
Ҳозирда бедарак йўқолганларни қидириш ишлари давом этмоқда.
Изоҳ (0)