Хитойнинг Дунгуань шаҳри полициячилари ота-онаси 28 даража жазирамада ёпиқ машинада қолдирган бир ёшли болакайни қутқарди. Бу ҳақда «Вести.ru» хабар бермоқда.
Йиғлаётган болакайни ўткинчи пайқаб қолди ва полицияни чақирди. Улар чақалоқнинг ота-онаси келишини кутиб ўтирмай, автомобиль ойнасини синдирди.
Ота-она ухлаётган болани машинада қолдириб, дўкон айлангани кетгани маълум бўлди. Улар йўқ пайт бола уйғониб кетган ва йиғлай бошлаган. Болакай жазирамада қолдирилган машинада 40 дақиқа атрофида қолиб кетган.
Аниқ маълум бўлмаса-да, унинг омон қолгани тахмин қилинмоқда. Беғам ота-онага чора кўрилган ёки йўқлиги ҳам ҳозирча маълум эмас.
Изоҳ (0)