Highsnobiety портали Nike компаниясининг энг ноёб ва қиммат кроссовкаларидан иборат рейтингни тузиб чиқди.
Рўйхатдан 23 та моделдаги кроссовкалар жой олди. Биринчи ўринни ўзи боғланувчи Nike Маg кроссовкаси эгаллади. «Келажакка қайтиб» комедиясидаги фантастик концептдан реализация қилинган ушбу оёқ кийимнинг нархи 32 минг долларга баҳоланди.
Ундан 12 минг доллар арзонроққа дизайнини Nike америкалик рэпер Эминем билан бирга яратган Jordon 4 Retro Eminem x Carhartt баскетбол кроссовкасининг бир жуфтини сотиб олиш мумкин. Бошқа бир рэпер — Канье Уэст ижодига мансуб оёқ кийим эса ундан икки баробар арзон. Air Air Yeezys 2 red october кроссовкалари олти минг доллар туради.
Рўйхатнинг ўртасидан америкалик баскетболчи Леброн Жеймсга атаб чиқарилган Lebron 10 Celebration Pack кроссовкаси жой олган. Унинг баҳоси 2299 доллар.
Nike компаниясига 1964 йилда асос солинган ва аввалига Blue Риббон Спорц дея аталган. Унинг штаб-квартираси Орегон штатидаги Бивертон шаҳрида жойлашган. Шунингдек, компания Nike Golf, NikeLab, Nike Pro, Nike+, Air Jordan ва Nike Skateboarding брендлари остида ҳам маҳсулот чиқаради.
Изоҳ (0)