Япония разведкачи самолёти ҳалокатга учраши оқибатида 4 нафар экипаж аъзоси ҳалок бўлди

Японияда разведкачи самолёт ҳалокатга учради. Тўрт нафар экипаж аъзолари ҳалок бўлди. Бу ҳақда «Вести.ru» хабар бермоқда.

Қидирув операцияларида икки мингга яқин киши, жумладан, самолёт қарашли бўлган Мудофаа кучларининг 900 нафар аскари иштирок этди.

Разведкачи самолёт Хоккайдо шимолий префектурасидаги Хакодате шаҳри яқинидаги тоғли ҳудудга қулаган. Қидирув операцияси ҳудуднинг мураккаб релефи ва ноқулай об-ҳаво шароитлари туфайли бир суткадан ортиқ давом этди.

Япония Мудофаа вазирлигининг маълум қилишича, Лр-2 маркали самолёт Хоккайдо маъмурий маркази Саппоро шаҳридан 15 май, душанба куни тонгда парвоз қилган. У Хакодатедан оғир аҳволдаги беморни олиб кетаётган эди.

Самолёт радарлардан ғойиб бўлишидан аввал экипаждан фавқулодда вазият ҳақидаги маълумот келиб тушмаганлиги таъкидланмоқда.